آذربايجان باياتيلاري
یازار : ay han
+0 به یه ن
لاي لاي گوزوم
آغلاما اوره گيمي داغلاما
يات يوخون شيرين
اولسون قلبيمي سن داغلاما
***
لاي لاسي درين
بالا يوخوسي شيرين بالا
آلّهدان عهديم
بودور تويونو گوروم بالا
***
لاي لاي دديم
آدينا حق يتشسين دادنا
بويا بوشا
چاتاندا مني سالسين يادنا
***
لاي لاي دئديم
جان دئديم يوخودان اويان دئديم
سن يوخودان
دورونجا جانيمي قوربان دئديم
***
لاي لاي دئديم
يات دئديم ياستيقا باش آت دئديم
بالام چكيم
نازيني بويا باشا چات دئديم
***
لاي لاي دئديم
ياتينجا گوزلرم آي باتينجا
زارا آمانا گللم
سن حاصله چاتينجا
***
بالاما قوزو
قربان قوچ قربان قوزو قربان
قربان قبول
اولماسا قوي آنان اوزو قربان
***
لاي لاي دئديم
بويونجا باش ياسديقا قويونجا
يات سن گول
ياتاغيندا باخيم سنه دويونجا
***
لاي لاي بئشيگيم
لاي لاي ائويم اِشيگيم لاي لاي
سن يات شيرين
يوخودا چكيم كشيگين لاي لاي
***
لاي لاي دئديم
اوجادان سسيم چيخمير باجادان
ا... سني
ساخلاسين چيچكدن قيزلجادان
***
داغلارين لاي
لاسينا گوزلرين قاراسينا
آنالار قربان
اولور اوزكورپه بالاسينا
***
قربانين قوزو
اولسون قوزونون يوزو اولسون
قوزودان قربان
اولماز قوي آنان اوزو اولسون
***
خيرداجاسان مزه
سن سن هر گولدن تزه‌سن
قربان اولوم
اوگونه آياق توتوب گزه‌سن
***
بالام ياتار
بئشيكده بلبل اوخور ائشيكده
سن يات يوخون
آلگيلان من دورموشام كشيكده
من عاشيقام هر آيلار
هر اولدوزلار ،هر آيلار
بوردا بير گول
بيتيبدي،
سوسوزوندان هارايلار.
***
من عاشيقام هر آيلار،
هر اولدوزلار هر آيلار،
باشيم جلاد الينده
،
ديليم سني
هارايلار.
***
عزيزيم ، گول الللر،
اغ بيلكلر ،گول الللر،
درياجا عقلين اولسا
،
يوخسول اولسان
گولللر.
***
آپاردي چايلار مني ،
هفته لر ، ايلار مني ،
يوكوم قورقوشوم
يوكي،
يوردو بو
تايلار مني.
***
عزيزيم، بادا گئتدي
يئل ووردو بادا گئتدي
دوشمن بير ايش ايشله دي
گنج عؤمروم بادا گئتدي
***
گؤيلر بولودلو قالدي
قوشلار اومودلي قالدي
آچاري يار بوينوندا
گؤنلوم كيليدلي قالدي
***
آتيميزي قوشاليم
داغي-داشي آشاليم
سن ياغيش اول، من بولوت
ياغاركن قووشاليم
***
فلكين ايشي دوشسون
آغزيندان ديشي دوشسون
اونوندا منيم كيمي
نامرده ايشي دوشسون
***
فلكين قهري منه
گلميري رحمي منه
دولدورور غم باده سين
ايچيردير زهري منه
***
فلكين داد اليندن
اولماديم شاد اليندن
ياپيشايديم ياخاندان
چكييديم داد اليندن
***
فلگين داد اليندن
اولماديم شاد اليندن
يامان يئرده ييخيلديم
توتمادي ياد اليمدن
***
عزيزيم وطن ياخشي
كوينگي كتان ياخشي
غربت يئرجنت اولسا
ينه ده وطن ياخشي
***
قاشلارين قيبله گاهدي،
قيبله دئسم
گوناهدي،
داغلارا دومان چوكسه،
اوداغ من چكن آهدي.
***
عاشيق سوزون گيزله در،
سوزون
دوزون گيزله در،
سن چمنه چيخاندا ،
لاله اوزون گيزله در.
***
گوزلرين خومار ايندي،
ياش توكر
يومار ايندي،
توك زولفون سينن اوسته،
گورن نار اومار ايندي.
***
آچيلارام گول كيمي،
اوخورام
بولبول كيمي،
گويولومه دگن اولسا،
ساراللام سونبول كيمي.
