اونلار ” بؤيوك ائرمنستان” خولياسيندا ياشايير هر يول ايله اولورسا اولسون اراضي‌لريني گئنيشلنديرمك ايسته‌ييرديلر. گؤز چيخارماق، باش ، بورون ، قولاق كسمك، قوجا- قاري‌لاري اؤلدورمك ، حاميله قادينلارين  قارينلاريني سؤكمك،كؤرپه‌لرين بئيينلريني توفنگ‌له داغيتماق اونلارا مقّدس ايش ساييليردي!

اونلار سود اَمَر كؤرپه اوشاقلاردان توتموش اللري چليكلي قوجا – قاري‌لاري قتل عام ائتمكده و اَن آلچاق ايشلره ال آتماقدا بير اَن بئله شُبهه‌لنمه‌ييرديلر.

او گئجه ده  ائرمني داشناكلاري ديرناقدان باشا سيلاحلا ياراقلانميش دسته لرله، هئچ بير سيلاحي اولمايان خوجالي‌نين يئرلي اهالي‌سينين سوي قيريمينا بئل باغلاميشديلار.

خوجالي اهاليسي ائرمني‌لرين بئله بير چيركين هدفيني دويدوقدا بو وحشي‌ليگين قاباغيني آلماق اوچون سيلاح اله كئچيرمه‌يه و شهردن مدافعه ائتمه‌يه جان آتيرديلار، لاكين اونلارين الينده هئچ بير سيلاح يوخ ايدي . اولان سيلاحلاردا روس عسگرلري الينده ، روس عسگرلري ايسه ائرمني آرخاسيندا و كؤمگينده ايدي!

خوجالي ايگيتلري هئچ بير چاره تاپمادان بعضي ائولرده آتا – بابادان قالان كؤهنه قمه – قيلينج و قوش توفنگلري ايله شهردن مدافعه ائتمه‌يه باشلاديلار.

غيرتلي ايگيتلرين قمه – قيلينج و قوش تفنگ‌لري ايله شهري قورويوب ائرمني‌لرين توپ – تانك و مسلسل‌لري قاباغيندا دايانيب شهامت‌له شهيد اولمالاري، قادين – اوشاق و قوجالارين بير عدّه‌سينه شهردن ديشاري چيخيب قارلي داغلارا پناه آپارمالارينا فرصت ياراتدي..

 .

1992-ci il mart ayının ilk günlərində Xocalıda rusiyalı jurnalist Viktoriya İvleyeva tərəfindən çəkilən fotoşəkil - torpaqdakı meyitlər fonunda şəhərdə talançılıqla məşğul olan erməninin maşını

خوجالي‌نين غيرتلي و ايگيد جاوانلاري شهيد اولدوقدان سونرا، ائرمني‌لر بو شهرده سوي – قيريما باشلا ديلار!

اونلار قادين – اوشاق، قوجا – جاوان و حتّا خسته خانا مريض‌لرينه رحم ائتمه‌دن هاميني گولـله‌‌دن كئچيرديكدن سونرا مدافعه‌سيز اهالي‌نين بورون – قولاغيني كسمه‌يه ، بويلو و حامله قادينلارين قارينلاريني سؤكمه‌يه  باشلاييب حتّا حيوانلار آراسيندا اولمايان چيركين عمللره اَل بئله آتديلار!

ائرمني‌لرله بيرليكده خوجالي فاجعه سيني ياراتماقدا  اشتراكي اولان  و سونرالار آذربايجانلي عسگرلرينه اسير دوشموش بير روس عسگري‌نين دهشتلي اعترافي و بو اعترافدان چكيلن ويدئو فيلمي‌نين دونيايا ياييلماسي ائرمني وحشي‌ليكلريني داها آرتيق دونيايا تانيتميشدير!

بو دهشتلي اعترافدا روس عسگري، ائرمني‌لرين خوجالي شهرينده تورَتديكلري جنايت‌دن دانيشاراق وجدان عذابينا دوچار اولدوغونو بيلديرميشدير.

.